Nature & Homeland

Ajabi Boy Pokiston!

May 30, 2018

Cẽ Fazal Amin Beg en

Lup misoli yem dem jahon, ajabi boy Pokiston!
Kuh, maydon et rigiston, win yiloy yem Pokiston

Yaz’v-e dawlat en mola mol, glec daryoyisht ca’n khũshhol
Dik̃htes̃h bar wakht ce boron, ajabi boy Pokiston

S̃hẽkurg yow kon’v har palew, d̃ũmev har jay yow-e nẽrew
Dem k̃hati lal-e Badakhshon, ajabi boy Pokiston

khũshbakhti ce yem kishwar, samandari dem qalhabar
Got yow-e dũr et marjon, ajabi boy Pokiston

Qawl-e qadim-e ya tahzib, Sind et Hind cum’rev qarib
Win yav osor et nishon, ajabi boy Pokiston

Naslev didig̃h Oryoyi, Tũrk, Arab et Tibeti
Brahwi et D̃ravid̃i -e makon, ajabi boy Pokiston

Haronem wuz Fazal Amin, ne’s̃h dishem yem sarzamin
Wali’v et sufi’v-e jon, ajabi boy Pokiston

You Might Also Like

No Comments

Leave a Reply