Lament

BIYOMORZ USTOD BOGHSHOH LASHKORBEKOV-E YODER YIBU G̃HAS̃H BAND

May 28, 2018

Cẽ Fazal Amin Beg en

Nogũmon wudgem kẽs̃hen, ce lup yi badh khabar
Po jonon-ẽ k̃hetki safar, rek̃hki K̃Hik zik-e sarwar

K̃Hatet gar k̃hetk towe kuch, dem tirichig̃h sak biyor
Ti baf guftor et kirdor, wũrek̃hki mils-e qamar

Zik et farhang-e dem kasp, ti yarki mũrd̃umer dogh
Boghshoh tu Shoh-e yem bogh, weres̃htep nung ti‘n da sar

K̃Hũ mũrdũm et basharer, k̃hũ donish dhetet pẽndor
Salom ta’r ilm-e stior, weres̃ht pidhing ti gowhar

Alh-e ilm cartes̃h tirin, sẽk ti tahqiq-e meydon
Kertet ghafch chiz dem ayon, mindorig̃h carenes̃h yasht tar

Yinyot-e rang towe wing, ceyev wezd dem po watan
Tu ya ilm ti zib et tan, ti johar lal-e ya g̃har

Dũnyowes̃h khalg-e ki yit, chires̃h ko khalg yan skem thit
Shũm ãz̃hdar harjayes̃h c̃hit, neyes̃h cart hechkuyer shar

Nasib ta’r bogh-e bihisht, sarbũland cherm tu ta bar
Cartes̃h du’o Fazal Amin, tu got harwakht ya samar

You Might Also Like

No Comments

Leave a Reply