Love / Romantic

Dik̃htes̃h ce Trem Z̃hũ Yod Ti Khuz̃hg Ya Qisa

November 15, 2019

Cẽ Fazal Amin Beg en

Dik̃htes̃h trem z̃hũ yod ti khuz̃hg ya qisa
Tower wuz sadqa z̃hũ jonon-e shisha

Vitkem mast ajab wudhg da ti ishq-e jom
K̃han’mes̃h yem bu g̃has̃h kalom ce da nasha

Chiz go’m digarev hadem spreg̃h-e bogh
Tu’t k̃hat z̃hũ ishq-e bihisht, gũl-e lola

Bitaw pẽrvetkem wuz rem torik zindon
Coghdrep weza z̃hũ Porso, carep maz̃h niga

Woc’mes̃h ce wũdh wuz rem ti ishq-e daryo
K̃hatet as̃hnowar nik̃hind maz̃h bichora

K̃hũ Oshiqet ce likerk wir dem jahon
Vitkem wuz ca’n be niv ti ishq-e tishna

K̃handes̃h ti Fazal Amin rand k̃hũ khuz̃hg sado
Dem k̃hũ girya, cartes̃h yow ce tow sũma

You Might Also Like

No Comments

Leave a Reply