Love / Romantic

Hal Hamish Tu Dem Diyor

June 21, 2018

Cẽ Fazal Amin Beg en

 

Gũl banafsha, tower sadqa, hal tu Hamish dem diyor

Ti wing hat’nem wuz diwona ceyem da ti intizor

 

Dhir-e safar, qirib-e nazar, win maz̃h yiloy ye z̃hũ jon

Wez dem maydon, z̃hũ yi dona,woc tu skem ishq-e yash siwor

 

Lim lami ti c̃hez̃hm’v-e stor,wirdingi ti ruy-e osmon

Kat̃ k̃hũ voyn skem k̃hũ bichora, pẽ tirichig̃hi ce khor

 

Ceyem da ti ishq-e rakhnig̃hem, khub maz̃h e thũw dem jahon

Car maz̃h ob dem otashkadah, nas̃hem dẽ tow ye z̃hũ yor

 

Khũshruy ti ghes̃hn et ti kẽndak, kandũv ce z̃hũ jon dẽ maz̃h

Qũrbon wocem skem ti hadiya, ye z̃hũ ishq-e khũsh bahor

 

Toza ce tu yem z̃hũ nazar, ne’t pidhog̃h vit dem z̃hũ dil

Wezis̃h ce niv tu hamisha, jakhes̃h ma’r khũshury sitor

 

Wostes̃h fano Fazal Amin, sẽk ti khuz̃hg c̃hez̃hm et nazar

Yundes̃h maz̃h dem ishq-e nasha, har wakht diyes̃h ce dichor

 

You Might Also Like

No Comments

Leave a Reply