Political

Haq-e Yi Awog̃h

September 22, 2019

Cẽ Fazal Amin Beg en

Insoniyat-e tabokor, jamhuriyat-e ya sardor
Zũlmgarig̃h-e intiho, didig~h Yazid’v-e sarkor

Hũmũyd yow dẽ Hindũston, yoy digar jay dem jahon
Da Firawn-e shũm dũnyo, inson’vev k̃hetk ce nochor

Car’nes̃h insonisht k̃hũ dod, sẽk k̃hũ haq wocen ozod
Nasti haqer kuy parwo, ki wost drem yow madadgor

Skẽ k̃hũ haqes̃h da Kashmir, thaw’nes̃h da rakhnig̃h-e tir
Da barbariyat-e shũm sado,haqdor’ves̃h caren s̃hẽkor

K̃hũ Gilt-Baltiston tayin, win k̃he chiz’res̃h ne tu win
Kat̃’nes̃h miltiq bisado, k̃hetkev maghzev giriftor

Yem watani ki spo nan, nomũs yemer spo kũfan
Ghosibisht drem bibaho, cerengev vitk skem dawodor

Gizũv ya haq-e korwon! Nũs nohaq’v e dem jahon
Nu~s zolim’v-e kũl dawo, Fazal amin me nezd qaror

You Might Also Like

No Comments

Leave a Reply