Insoniyat, Ilm et Hikmat

Cẽ Fazal amin Beg en

Insoniyat wost ti imon, ilm et hikmat ya ti jon
Gotep rahmat-e Yazdon, wocep obod ye inson

Nast har kuyer nasib yem, ki got yow hikmat e trem
G̃hat dam-e sohib-e shon,wez trẽ rukhnig̃h ye nodon

Ki zoqes̃h ilm-e vẽdek, woz ya hikmat-e shaytek
Tiyor k̃hũ soz et somon, Zindigig̃h wostep oson

Ki tuwet shohin et boz, dish bafter ya k̃hũ parwoz
Skẽ hikmat-e khiyobon, g̃hat bũlandig̃h da osmon

Dẽ zindagig̃h tabibig̃h, c̃hawũv dẽ k̃hũ zindagig̃h
Got khidmat-e khalq-e ya kon, car k̃hat khẽbar tu ye jon

Z̃hũmũr k̃hũ wakht e har wakht, ilm et hũnar go k̃hũ bakht
Ki kertet wakht e ziyon, wocep Hamish pashaymon

Fazal Amin! dish insoniyat, ki yemi k̃hat lup ibodat
Nasib wost amn et amon, kũl jay dem khũshruy jahon