Nature & Philosophical

Jon et Tan Yi Amonat

June 7, 2018

Cẽ Fazal Amin Beg en

K̃han’mes̃h yemi z̃hũ jon et tan, skemmi z̃hũ dil
Remim k̃hũ zindagig̃h ska goz yoy ra sil
Wuzes̃h baf dishem ki cereng c̃hawem dem jahon
Tu kuy hũmũy ki vitket ce ya oqil

Ti jon et tan nasti ti’n, kuy ta’r z̃e’rng k̃hat
Dem jahon har yi joni tey dẽ amonat
Ki dishes̃h k̃hat tu inson, aql-e sohib
Me car dẽ khũ jon en car tag khayonat

Neyi yem tan tinen woz ne dem ya jon
Ti tani z̃hũmũrn et shinokhter da khondon
K̃han tu kkum’nes̃h wũz’men ya jon yi tatnan
Yashtev ce tu mast k̃hater da k̃hũ armon

Kũs̃hũy woz yi gũdor tu yem ye nodon
Mart et zanev faqat asbob dem jahon
Nasty yaver malũm Khũdho-e qudrat
Ki cerenges̃h jon cheremd da tan-e makon

Ki teyet ghafch bahodũr cara paydo
Yi maks yoy yi pithũw ko wũzm dem dũnyo
Yoy yem merk prich’v et jonwar’v e car tu zinda
Ko didig̃h c̃aw trẽ pũrũt ye z̃hũ hamro

Dẽ jeftev ce har yi chiz dem koyinoot
G̃hes̃h et strey yoy moch win dem kharobot
Magam ya zot-e mutlaqi k̃hat ce wir
Hamishi yow dẽ har tan et jon -e sũkrot

Yem jon et tani ki tin, chi’res̃h yem nas̃ht
Ya rẽwor wẽzayner ceyes̃h ti jon e khas̃ht
Neyet k̃hũnen woz ne ya k̃hũ tatnanen
Ra gures̃h pitk k̃he woc k̃he g̃hirdes̃h tu das̃ht

Bu rẽwor haten ti jon wezgi dem ti tan
Dish kifch-e qadr Fazal Amin, me ghafch niv k̃han
Joni doyim weres̃htes̃h har wakht zinda
Nasti tumer ti dil ska ti jon et taan

You Might Also Like

No Comments

Leave a Reply