K̃hũ Safar-e Dish

Cẽ Fazal Amin Beg en

Ki wez’nes̃h sak dem jahon, dish’nes̃h chi’r yem k̃hũ makon

K̃hũ rec̃hnes̃h rũms̃hen ayon, dishnes̃h k̃hat chizer mizbon

 

Haq-e qisayi hayem, ki saken bu ror mehmon

Magam k̃hetken k̃hat wayron, sẽk k̃hũ nafsen ce mehrbon

 

Andisha car ko yiloy, yik̃h-e rangi spo zindagig̃h

Timiker toves̃h ki g̃hat, nas̃htes̃h ce yow-e nis̃hon

 

G̃hari ki ta yik̃h-e poz, cum batken cartep yow noz

Yi ne yi rẽwori ska shet, ob ki vit yik̃h da tobon

 

Wakhti ghafch lup ya dawlat, yem e har wakht dish dẽ k̃hat

Ki k̃hanes̃h tuwet inson, yem e z̃hũr ye nodon

 

Ki chavdes̃h har yi jondor, da wakht-e desti yow-e kor

Yi rẽwor cartes̃h yow s̃hẽkor, nas̃htes̃h zindagig̃h dem jahon

 

Fazal Amin dish ya k̃hũ wakht, nezd skẽ rost yark’v-e takht

Farep g̃hirũvd ya ti bakht, shekhs bafter dem imtihon