Love / Romantic

Ne Gũtak Z̃hũ Ishq-e Pari

November 6, 2019

Cẽ Fazal Amin Beg en

Ye z̃hũ khũshruy gũl-e miri,negũtak ishq-e z̃hũ pari
Ti khuz̃hgig̃h kert maz̃he ce majbũr, wozomdi maz̃h dem sho’iri

Qiymati ma’r ti khuz̃hg qisa, ki skemes̃h halem wuz zinda
tuwet k̃hat z̃hũ bihisht-e hũr, ki dem ti ishq vitkem bindi

ye z̃hũ khũshkhuy moh-e parvin, tu’t z̃hũ khũshruy ishq-e barin
dem k̃hũ ishq k̃hetket maz̃h nojũr, bitaw nast z̃hũnen zindagi

ti wing-e hat’nem biqaror,dẽ har so’at dẽ har rẽwor
nast chiz chora ye z̃hũ mashhũr, cerenges̃h car ma’r niv tabibi

dez̃hget z̃hũ pũzũv et dimogh,niyenget mast niv dem k̃hũ bogh
ti ishq-e jom et ya ghũrũr, k̃hetki ce mast z̃hũ donoyi

pev’mes̃h hamish ti ishq-e jom,ne’sh wost darkor digar ta’om
yem ishq-e lut̃ neyes̃h wost tag sũr, ajab da jomi ya garmi

me car girya ye Fazal Amin,nas̃htep tufon, k̃hũ jonep win
k̃hũ khũshwakht gũl-e sifat z̃hũmũr, woz be tu k̃han dam-e oshiqi

You Might Also Like

No Comments

Leave a Reply