Nikbakhtig̃h Wẽserdũ Sol Ma’r

Cẽ Fazal Amin Beg en

Ce nikbakhtig̃hi dem sol, k̃hẽmetki ya z̃hũ moh-e parwen
G̃hat’pa yow dẽ k̃hũ s̃hiyol, wind yiloy maz̃h ya z̃hũ c̃hez̃hmin

Yow-e didor-e haten werg̃h’nim wuz kheli pilpich
Bet chiz niv z̃hũnen chora, ki winem k̃hũ gũl-e nasrin

Pũzũves̃h nũwd et k̃handess̃h ch’ires̃h maz̃h qayd dem k̃hũ zindon
G̃hatũv maz̃h jald dam-e bar, windem wuz k̃hũ yor-e shirin

K̃hatem yor ye z̃hũ nodon, car ko z̃aq be dos̃ht k̃he car tamosho
Mabodo g̃hat ya ti yor k̃hat bikhlew, timiker ko woz be tayin

Wakhtes̃h wost maz̃her nozũk, magam ce sokht c̃hawem chobũk
Yo Khũdhoy! Rand yo’r tofiq ki wiz’t z̃hũ ishq-e tapin

Yi ror ki g̃hate z̃hũ boz, rek̃hk z̃hũ c̃hez̃hmisht yower g̃hiren
Ishq-e ya mũs̃hk dẽ spo dhast, kerten okhir nang et tirin

Ce yow khũshruy sado, ki chern dẽ z̃hũ pũzũv-e pũzũv
Vite z̃hũ darder darmon, g̃hati’m dẽ k̃hũ ishq-e barin

Fazal Amine kert khũshig̃h ki yow mũrod G̃hatee dem sol
Khũdhowand shũkr tower, ki windi k̃hũ moh-e jabin