Love / Romantic

Niyengi Ya Gũlv-e Khũnz̃o

November 12, 2019

Cẽ Fazal Amin Beg en

Niyengi ya gũlv-e khũnz̃o, wudhg dem z̃hũ pũzũv-e s̃hig̃hun
Car’mes̃h shũker dem k̃hũ dũnyo, ki vitki z̃hũ ishq-e nis̃hun

Ki g̃hat’mes̃h wuz dam-e asl, z̃hũ gũli Pomir-e yi nasl
Khũshruyi vitk dẽ man wasl, ki didg̃hemes̃h wuz yow-e zun

Yowe dez̃gh ce dẽ k̃hũ dhast, z̃hũ jon et dimogh-e jahon
Z̃hũ fikr et tek̃hev har wakht, cartes̃h ajab ce ska k̃hũ pun

Woc’nes̃h sak ce trẽ liman, didg̃henes̃h k̃hũ ishq-e chaman
Khũshig̃hes̃h cart yow dẽ man, k̃handes̃h tu’t nek ya z̃hũ boghbun

K̃hetkem khuz̃hgig̃h-e kis̃hta, dam-e pũzũv-e miyona
Randes̃h wudhg ma’r ya bara, wuzem yem k̃hũ ishq-e diqun

Chaldem ce k̃hũ Khud̃dhoy en, maz̃her rand rost ishq-e ahmro
Kami z̃hũ shũker et du’o, karti ishq-e jeft ra z̃hũ g̃hun

Khuz̃hgig̃h en c̃haki ya ti yor, Fazal Amin tow k̃hetki sarshor
Fari g̃hirvetk ya ti bakht, wezgi khũshig̃h ti ishq-e khun

You Might Also Like

No Comments

Leave a Reply