Love / Romantic

Poems of Fazal Amin Beg During His Youth in 1990: Z̃hũ Dũr, Z̃hũ Nozmin

May 30, 2018

Cẽ Fazal Amin Beg en

Tower z̃hũmak k̃hanem yira, tower tilo k̃hanem noqra
Z̃hũ dũr z̃hũ nozmin a, yiloy ko maz̃h tayin a

Ce wakht ki sẽk maz̃h g̃hate, yem ti khũshruy nazar a
Viti’t z̃hũ c̃hez̃hm-e nũr a, nastem cẽ k̃hat’n khabar a
Vitkem niv wuz haral a, z̃hũ dũr z̃hũ nozmin a
Z̃hũ dũr z̃hũ nozmin a, yiloy ko maz̃h tayin a

Ti hatenem vitk parishon, kẽs̃henem tu’t sargardon
Ne vite maz̃her amon, g̃hatem hadem gũliston
Pers’mmes̃h tow’ri chiz armon, z̃hũ dũr z̃hũ nozmin a
Z̃hũ dũr z̃hũ nozmin a, yiloy ko maz̃h tayin a

Wezd’im wuz drem pũrsoner, haz̃i jald wuz drem ti bener
Niv ko woc khũsh tu dremer, k̃hũ pũzũves̃h randem tower
Tuwet tey dog hey maz̃her, z̃hũ dũr z̃hũ nozmin a
Z̃hũ dũr z̃hũ nozmin a, yiloy ko maz̃h tayin a

Qolibi ki tey ey buy a, pũzũvi spocen yũw a
Ko z̃e’ng maz̃h e me thũw a, yi hader maz̃h e shũw a
Yi rorep yandi nũw a, z̃hũ dũr z̃hũ nozmin a
Z̃hũ dũr z̃hũ nozmin a, yiloy ko maz̃h tayin a

Wuzem tey tower darbon, hamishem sẽk tow wuz qũrbon
Tuwet tey maz̃her pinhon, wuzem tower nigahbon
Chiz’res̃h tu thũw z̃hũ darmon, z̃hũ dũr z̃hũ nozmin a
Z̃hũ dũr z̃hũ nozmin a, yiloy ko maz̃h tayin a

Fazal Amini yi khoksor aa, teyi darkhostgũzor a
Wez k̃he woc dam en yor a, me car ca’n k̃hat bizor a
Wostep dẽ to’n yi mor a, z̃hũ dũr z̃hũ nozmin a
Z̃hũ dũr z̃hũ nozmin a, yiloy ko maz̃h tayin a

You Might Also Like

No Comments

Leave a Reply