Sayfuddin-e Tuyer Yi Pũndor

Cẽ Fazal Amin Beg en

Dẽ har soles̃h ce didig̃hem, win’mes̃h yem rasm-e dũnyo
Kum’rev khalgisht khũshig̃h mes̃h, kum’rev pẽrvetk dẽ bũlo

Ki k̃hanes̃h dishem khalgev, k̃hũnen wost yoy digar
Khũshig̃h et gham-e rẽwor tayin, ghẽlbel diyetk woc’nes̃h jonsar

Yig̃hun jigar et shikar, wostes̃h digar hadem rẽwor
Filig̃h en woc’nes̃h hamdard, ki dines̃h pũzũvev borbor

Woc’nep wũghes̃h wũghes̃h et kherandam, sũdhũydep nasty kuy yav rang
Magam mũshetki dam’v- dil, nogũmon har zot-e chang

Mũborak tower ti tuy, werec̃h hamish khũsh ye Sayf
K̃hũ dustyor em rẽwor yũwern, neyi woc’ner tower chi hayf

Yus en k̃hat wudhg c̃hak tu car, ki okhir khus̃het dem k̃hetk
Fũrz e rang tag me pidhis, ki okhir rus̃het k̃hetk

Wocit sasht yarz et yimũket, k̃han tu ye Fazal Amin
Dem s̃heg̃hd zindagig̃h g̃hat khũshig̃h, carit sẽk liman sasht tirin

Composed on July 19, 2009 in Gilgit on the occasion of Saifuddin Saif’s wedding.