Lament

Spreg̃h-e Rayhon: Biyomorz Ghulomi Din Khon

May 24, 2018

Cẽ Fazal Amin Beg en

Tu yi spreg̃h-e rayhon, yow vul ko cumer shirin
Nũsetken k̃hũ nozamin, ya k̃hũ Khon Ghũlomidin

Damshi kert yũrt-e khidmat, dam-e harakat barakat
Dheti k̃hũ jon et dawlat, g̃hate k̃hũ arsh-e barin

Pũzũvwarig̃h dam-e khũn, tu har baf yark-e shogũn
Meymondori tek yo‘n k̃hũn, tu pũzũv en yow zarin

Dẽ khidmat en yo’r dichor, kumer gũl et kumer khor
Magam wezd kuk̃hter bẽkor, yuti yav dẽ ambarin

Tu k̃hũ mũrdũm-e rahbar, dez̃hd k̃hũ Pishraw-e khiyol
Spo nungdor vit bimisol, sẽk k̃hũ mũrdũm yow tirin

Tu bozingar dẽ majlis, dẽ farhang woz dẽ solis
Saforat woz dẽ donnish, har jayer tu yow shohin

Dustig̃her tu trẽ pũrũt, cẽ Chin en to dẽ Olmon
Cẽ Amrika’n dẽ Jopon, dustyorisht skam shẽloyin

Ajaben nost tow e jon! Ye spo dũr et spo marjon!
Tuwet tu ghal bẽ jũwon, kuy tow niv got skem zimin

Fazal Amin cartes̃h sũma, towe jay jay bi-armon
Dẽ k̃hũ yinot et gũmon, ghali nast yower yaqin

You Might Also Like

No Comments

Leave a Reply