Devotional

Tower wuz G̃hirem Mawlo

June 5, 2018

Cẽ Fazal Amin Beg en

Ye nũr-e pok Mawlo, tower g̃hirem
Yem z̃hũ chut̃ jon ta’r fido, tower g̃hirem

Har wakhti dem z̃hũ pũzũv yem z̃hũ girya
Ki wuz wocem hamisha tower sadqa

Wũdhem tẽr har gẽna z̃hũ Nũr Mawlo
Kũs̃hũy yem z̃hũ girya, z̃hũ khuz̃hg Shahinsho

Ti pok aks wingerem wuz ce dẽ armon
Maz̃h gũnogorer disũv kũl ya jahon

Ti s̃hũkres̃h rũmsem k̃he woc’mes̃h ce khũdsar
K̃hũ qolib en tẽr vich wuch’mes̃h ce k̃hũ sar

Khũshig̃h-e wakhtes̃h ki wiz’it ma’r dem jahon
Lec’rẽmes̃h two ce tra yand, z̃hũ mihrbon

Cem z̃ereng hol en cebas pervimes̃h ra bũlo
Jaldes̃h wez woz trem z̃hũ dil, z̃hũ pok Mawlo

Chaldes̃h Fazal Amin du’o, bakhs̃his̃h ma’r car a z̃hũ Oqo
Wez s̃hẽkhal skem z̃hũ chut̃ jon, woc tu razo

You Might Also Like

No Comments

Leave a Reply