Woces̃h Ca’n be Sũratchand

Cẽ Fazal Amin Beg en

 

Cum’res̃h ki ti ũmer sand, woces̃h ca’n be sũratchand

Har gẽna ghafchem sũma, ne’m got dem ya roz-e band

 

Ce khũshwakhtet z̃hũ Layli,daryo-e khũshruy mohi

Randes̃h khũshig̃h-e sadqa, ca k̃hũ pũv’nes̃h ki kand

 

Dem k̃hũ tuket ce sũbũk, dẽ k̃hũ qẽsa nastet rũk

Kitobi ti har qẽsa, ye z̃hũ tiz et aqlmand

 

Rem k̃hũ ishq-e samandar, k̃hetket maz̃h ce as̃hnowar

Dhetket maz̃her paymona, ki yewe’rem wuz rost et fand

 

Kerti’m tẽr hawo parwoz, z̃hũ shohin vit hawoboz

Ye z̃ũ kuh-e parinda, yutet maz̃h ce ghafch bũland

 

Rem z̃hũ khiyol-e daryo, maz̃hres̃h ce woc tu hamro

Ye z̃hũ ishq-e sarmoya, k̃hetket ghafch maz̃h hũnarmand

 

Dem ishq-e jahon-e bar, Fazal Amin’ni ti qalandar

Ye khũshruy gũl banafsha, ya’r Hamish khuz̃hgig̃h e rand