Love / Romantic

ya S̃hũw Witishi Ce Gezg, Nas̃htep K̃hatken Nogũmon

November 14, 2019

Cẽ Fazal Amin Beg en

ya s̃hũw witishi ce gezg, nas̃htep k̃hatken yow nogũmon
spo ishqi jus̃her ce wezg, g̃hatep da manz̃il da osmon

nasti zur ishq-e vẽdek,gar bu pũũve yem pũchzetk
da k̃hũ mũrodev g̃hẽtetk, kuyes̃h ki lecert dem imon

khũdhoy-e ishqi bũland, gar kuy-e fik’res̃h ki dem sand
bu inson-e ishq-e qadr,nasti tag kam ye z̃hũ jonon

Wuch k̃hũ wẽyawg de rostig̃h,ki wezget tu dẽ oshiqig̃h
me rand dem tag kuy e fand, ki k̃hnes̃h tu’t yi rost inson

khũdhoy en ishq en cẽbas, dish’mes̃h k̃hũ jonon-e ya ishq
yũw-e khuz̃hgig̃hi dẽ ghayb, yũweni hozir ce dem jahon

dish bũnyodhi bu qisa, ki wezgi ishq dem ti tẽna
k̃hũ pũzũv en k̃hũ khuz̃hgig̃h, car’nes̃h niyoz dem imtihon

Pũzũv k̃hũnen het̃ ye porso, vitki fazal Amin dẽ tow fano
Gok̃hit k̃hũ ishq e k̃hũ imon, wocitep limaner qũrbon

You Might Also Like

No Comments

Leave a Reply