Love / Romantic

Yem Dhast Khũdhoy Tem dhast Zor Me Gok̃ht

November 16, 2019

Cẽ Fazal Amin Beg en

Yem dhast Khũdhoy tem dhast zor me gok̃ht
Ishq-e bu pũzũvev tag khor me gok̃ht

Ki wosts̃h savz ishq-e tag̃hm ra dũshta
Wakht yow-e zindaigig̃h bikor me gok̃ht

Wiz’tes̃h khũshig̃h et tangig̃h dẽ zindagig̃h
Bikhuz̃hgig̃h jeft khalger dichor me gok̃ht

Wũzũmd ishq har jefter kũli khũshig̃h
Gham et malolig̃h pẽs qator me gok̃ht

S̃hũrig̃h dẽ ishq-e jeft wost to da jahon
Maz̃h et z̃hũ gũl dem tag ghador me gok̃ht

Dem k̃hũ pũzũv-e shisha win’mes̃h porso
Skem spo jeft kuy k̃hat dawodor me gok̃ht

Fazal Amin, gotit khũshig̃h dem k̃hũ ishq
Kuy bẽghet dem sav noqaror me gok̃ht

You Might Also Like

No Comments

Leave a Reply