Yi Andisha

CẽFazal amin Beg en

Ki dish k̃hat e zarkhiz ye jon, zaminer sẽvza ko woc
Vishũv k̃hũ wũjũd-e kon, wũjũder shisha ko woc

Tanes̃h cart damsh baf khũrok, yow jire k̃hak’ni zinda
Car jire qadr-e inson, da k̃hũ aql zinda ko woc

Shur et fitna dẽ har maghz, hal cem’ven ko k̃hat tu pok
Odamzod! Woc tu mehrbon,nochor’ver chora ko woc

Aql-e inson rek̃hk bũland, nafs-e inson ghafch pũrũt
Qadr-insoni ra zindon, qadr’ver poya ko woc

Jones̃h ki dish k̃hunen pok, woc rũshan sitor jẽnaw
Mẽrgech rang c̃haw dem jahon, was̃hkever tu doya ko woc

Cem shur et shar’ven dẽ nola’v, Fazal amin cum’ri kũfak
Woc tapin dem shuriston, amn-e parinda ko woc