Yi Haq-e Qisa

CẽFazal Amin Beg en

Kohaq et nohaq-e yewer, ki cares̃h aql-e dawo

Da ti har dam et qadam, dik̃htes̃h dichor dem dũnyo

 

Me go k̃hat tumer bikhabar woz me woc ko tumer tu mast

Dem jahonet rost bu ror,nasti ghafch wakht da ti dhast

 

Ki wezget tu dem safar, haq-e vẽdek me rũmũs̃h

Ghafch shakep perev ra dest, nohaqes̃h khalg’ver ce pũs̃h

 

Sẽk haq-e vẽdek ko c̃haw, chi’res̃h ko woc z̃ereng bẽghet

Me di k̃hat ghalt dẽ gigand, rec̃h’neret okhir ra shet

 

Ki tey’t da haq-e shũven, ya haq-e yark be ko dish

Afset me car ya shũven, badhkorg̃h ki tuker kish

 

Me di rakhnig̃h pũzũv k̃hũn, thawep Hamish yan da rakhnig̃h

Ne’p wost tra howo ti nũsũn, skem sheti ti zindaig̃h

 

Sẽk liman zhrevn et yark k̃hak, dish yem maqsad ye nodon

Ya yi yanglep ko chiz gok̃ht, dhastisht tẽr limanev somon

 

Aql et dalil mes̃h en c̃haw, ki k̃hnes̃h tuwet Inson

Fazal Amin! haq-e qẽsa, k̃han et dũrz tu dem jahon