ZIK-E BOBAT YI QESA

Ce Fazal Amin Beg en

Odam-e zik tayin carit cerengev shikhsetk
Jayjay dem jahonev wẽrkhetk wozev nẽshetk

Zik-e joni da’m‘ mũrdũm, dam-e khalg en yow zindagi
Mũrdũmishtev vitk obod, gar zindagi da zik’n qiti

Chũvaken cẽbas tayin, cerenges̃h yi tifl cart nola
Yow-e sũdo ca nanen pers, cerenges̃h yow cart da’n qẽsa

Za-e dilwiya jẽnaw, harwakhti skam-e hes̃h halak
Ne-khot kumri marg et parg, ne-khot drem‘ri dhes̃h halak

K̃hũ tat et nan-e zikev, me kat̃ tu tag tẽr cẽbas
Fazal Amin! g̃hatũv yem’v-e tu, dẽ k̃hũ nasl et har yi kas