Car’mes̃h K̃hũ Gũler Nola, Nẽs̃hetki Paygom

Cẽ Fazal Amin Beg en

Car’mes̃h k̃hũ gũler nola, nẽs̃hetki paygom
Ki k̃hand chiz holi tinen, tower salom

Cum rori ce vitk, wezgi ya lewbũtbũt
Cam-e wũs̃hũk en nasti gũl dẽ kalom

Cereng go’n ye z̃hũ porso, sakhti yem zamin
Osmoni bũlandi ki g̃haten da muqom

Tuz̃h’mes̃h wuz dem k̃hũ jahon , tu da makon
Dos̃htig̃h-e dars dem ishq saker madom

Da k̃hũ jayev Sshov halak pũzũvi kũfak
Qũw k̃haker ishq-e sir woc’ner nilom

Chalg’nes̃h sak du’o ki nas̃ht ya tũfon
Pacen woz k̃hater sak k̃hũ ishq-e ta’om

Thites̃h et teyi z̃hũ pũzũves̃h ce ti haten
Wez k̃he car Fazal Amin-e dard-e anjom