Love / Romantic

Cẽ Wakht en Ki Vitkem Yow-e Ishq-e Ghũlom

November 6, 2019

Cẽ Fazal Amin Beg en

Ce wakht en ki vitkem yow ishq-e ghũlom
Z̃hũ gũl-e dhetk yem mazher ce lup in’om

Kũli z̃hũ hes̃h et khiyol vitk ya’r niyoz
Nag̃hd to ror dam-e fikrem ce wuz madom

Ishqi ce ghafch lup nasha, cartes̃h zurĩh
Har wakhtes̃h chald ya z̃hũ gũl-e dhast-e jom

Ki woc’mes̃h yow-e khuz̃hg owog̃h en z̃aqiq dhir
Okhir wuzes̃h be g̃hat’vem ya k̃hũ paygom

Ki randes̃h ma’r k̃hũ khũsh sado da jawob
Woc’mes̃h tapin tra howo da’m-e khuz̃hg kalom

Da k̃hũ ishq en rek̃hk sak ce ska bũlandig̃h
K̃hũ khuz̃hgig̃h en pẽcetk et nasti yem khom

Kum wakht ki ne’s̃h gotem k̃hũ khuz̃hg-e owog̃h
Diwonagig̃hes̃h g̃hat yan ce da hangom

Dam-e khũshruyig̃h woc’mes̃h wuz ojiz
Rost yowi k̃hat z̃hũ ishq-e pari et qom

Fazal Amin! C̃haw hamish rem k̃hũ ishq-e bogh
Nigahdori car yem tu yem sahar et shom

You Might Also Like

No Comments

Leave a Reply