Dez̃hgem In’om Oshiqig̃h, Gũl-e Sadbarg Dem Gũliston

Cẽ Fazal Amin Beg en

Dez̃hgem in’om oshiqig̃h, gũl-e sadbarg dem gũliston
Gũtetkem s̃heg̃hd zindagig̃h, dam-e khũshruy vul dem zamon

Khũshkhuyi ya z̃hũ gũl ma’r, vitki dẽ ma’n ce barobar
Boyem vitk dam-e stowis̃hig̃h,cumer bũlandi ya z̃hũ jonon

Ki ne’s̃h wost yow ma’r pidhog̃h, pillpiches̃h wocem dam owog̃h
G̃hatũvdes̃h ma’r woz khũshig̃h, qiymati z̃hũ la’l-e Wakhon

Yow ki nast wuzem kholi, kũl chizi ma’r z̃hũ gũl miri
Yow ishqi z̃hũ bandagig̃h, yow-e dishni z̃hũ imtihon

Yow-e khũshruy sirat et odati z̃hũ ishq-e dawlat
Cengep ne carem yan khuz̃hgig̃h, chirengi dem z̃hũ serk et z̃hũ jon

Z̃hũ ishq-e obruyi yow, z̃hũ zindagig̃h-e khũshbuyi yow
C̃haw’nes̃h sak ska bũlandig̃h, qiti da k̃hũ dishn-e jahon

Fazal Amin! c̃haw dam soya, didig̃h ya k̃hũ gũl-e lola
me car dam ishq noshũkrig̃h,vitki sẽk tow ce mehrbon