Gũl-e Sarzanish

Fazal Amin Beg en

Neyi tiwetk z̃hũ ishq-e loyiq, tes̃hem stowetk ya gũl
Kina mẽdur, zidbozig̃h, birũwes̃hig̃hi dam ce kũl

K̃hetki k̃hat no-itibor,wostes̃h bet chiz wafodor
Vitki wũs̃hũkjin ya boy,filig̃h-e ya s̃hũy et tũl

Disht’mes̃h yow k̃hũ porso, har gẽna’n yow bowafo
Vite yem ce norawo,nast tũma cam en chiz shũl

Afset ya pari et hũr, ne k̃hanem ya’r farishta
Vitki gũzdũm et ya fuks, kartes̃h zahr dem ishq-e mũl

Bihisig̃h et noshũkrig̃h, nakhrabozig̃h et mastig̃h
K̃hetki yemev k̃hũ libos, ghafch jald wostep yow zẽlũl

Stowes̃h wundri ce mũshkil, ghafch jald wũdũrtes̃h kiril
Ishqi nast skẽ lap-e ruy, tages̃h ne c̃hit yem skẽ pũl

Cerengep ne k̃hanem ko wuz, yow haten kap’mes̃h k̃hũ quz
G̃hirdes̃h yig̃hun khũg-e rang, nũstes̃h k̃hũ hũsh ya z̃hũ gũl

Ghafchet tranjd k̃hũ gũl-e sar, ye nodon ko bas tu car
Tum’ri be nast zũlmgar, yemi yow-e ishq-e rũl

Yowi fazal Amin-e nozyun, dam-e ishqi lup nis̃hun
Ghali be yow-e jon et jonon, ki rost vẽdek’ves̃h cart qabũl