khus̃hes̃h Ki Caren Bu Jon, Liman e Dem Ishq-e Jahon

Cẽ Fazal Amin Beg en

khus̃hes̃h ki caren bu jon, liman e dem ishq-e jahon
ne’s̃h wocen yasht pẽ liman, wẽrc̃henes̃h ziyot oshiqon

ne’s̃h goten ya k̃hũ z̃hũmak, dũrzenes̃h k̃hater lup thũwak
dẽ zindagig̃h dam khẽs̃hak, wostes̃h ghafch mũshkil et garon

cumer zolimi yem samoj, dik̃htes̃h trẽ dest da k̃hũ riwoj
Oshiq’v en dũrzdes̃h kharoj, cartes̃h ce yav chul et ziyon

Cereng go’n ye z̃hũ sanam, me nũwizd spo dos̃htig̃h-e dam
Wũdren k̃hũ ishq-e mahkam, me caren yem kuyer afshon

Wakhtep rand saker payghom, sanen yan ska k̃hũ ishq-e bom
Got’nep khuz̃hgig̃h-e tamom, nogũmaon sak ye zhũ jonon

Caren sak k̃hũ andisha, ye z̃hũ khũshkhuy gũl banafsha
Spo ishq-e har yi qisa, wostep spo har darder darmon

Dem oshiqig̃h-e dũnyo, me tu car drem hechchiz parwo
Ti Fazal Amini ti hamro,dem po khũshruy ishq-e korwon