Ya K̃hũ Khuz̃h Porso-e Haten Vitkem Bitob

Cẽ Fazal Amin Beg en

Ya k̃hũ khuz̃hg porso haten vitkem bitob
Yow e wing haten kũli vitkem kabob

Da k̃hũ khũshruy gũl-e vulem wuz ce mast
Dam-e pũrũt hechchiz nast ya gũlob

Wezgen gar sak kifch da k̃hũ ũmr-e mulung
Spo ishq-e yirani hamish da shabob

Khũshruy yow kẽndakes̃h s̃hok̃hd dem z̃hũ pũzũv
Nik̃hindes̃h z̃hũ dardev k̃he dũrzes̃h sawob

Ki mũshtes̃h k̃hũ khuz̃hg owog̃h dẽ kum ozmũd
Wostes̃h yan maz̃her yow khuz̃hgig̃h ce noyob

Ki weskũvdes̃h yow maz̃h da k̃hũ ishq-e zharzh
Woc’mes̃h diwona janqan woz da k̃hũ khob

K̃hetki k̃hũ Fazal amin k̃hũ ishq-e ghũlom
Randes̃h yan yower k̃hũ khuz̃hgig̃h en jawob