Love / Romantic

Ye Z̃hu Jon Cum’ret Noyoft

June 25, 2018

Cẽ Fazal Amin Beg en

 

Ye z̃hũ jon cum’ret noyoft, maz̃her cem jahon en pũrũt

Dem ti ishq ya wog̃hes̃h s̃hok̃ht, ce har yi osmon en pũrũt

 

k̃hetket bindi maz̃h e ce da k̃hũ khiyol, dem z̃hũ yinot

Qiymati ma’r ya ti sokht, dũr et ya marjon en pũrũt

 

Dremi ti yod ma’r bihisht, tray a bihisht kuye winetk

Tu’t k̃hat ya hũr-e shinokht, ma’ret hũriston en pũrũt

 

Rem ti khuz̃hgig̃h-e dũryo, vitkem as̃hnowar dem dũnyo

Ti ishq-e ruy-e ya dokht, ma’ri paragon en pũrũt

 

Dem z̃hũ bũspũr-e jahon, woces̃h ma’r ce tu z̃hũ mihmon

Wostes̃h yem ca’n be noyoft, ishq-e har makon en pũrũt

 

Rem ishq-e boghet toza, ye z̃hũ khũshruy gũl banafsha

Hamish da vulet pũrnokht, har yi gũliston en pũrũt

 

Z̃hũ ishq-e moh-e parwin, niyoz ta’r wost ti Fazal Amin

Dem ti ishq k̃hũ zoti nost, ce har imtihon en pũrũt

 

You Might Also Like

No Comments

Leave a Reply