S̃hũpkhetki Ce Ya Z̃hũ Yor

Cẽ Fazal Amin Beg en

 

C̃hez̃hmishtev z̃hũn da bahor, S̃hũpkhetki ce ya z̃hũ yor

Yũretki da sad hazor, S̃hũpkhetki ce ya z̃hũ yor

 

Pokiza z̃hũmaki ya ruy, siyoyi yow c̃hez̃hm et muy

Khuz̃hgjin yow ado et khuy, S̃hũpkhetki ce ya z̃hũ yor

 

Hayronjini z̃hũ banafsha, ce bũlandi yow-e martaba

K̃hati atr-e sarmoya, S̃hũpkhetki ce ya z̃hũ yor

 

Assal-e ya koni yow, khuz̃hg et darmoni yow

Z̃hũ pũzũv-e shoni yow, S̃hũpkhetki ce ya z̃hũ yor

 

Ajabi ishq-e qũbgha, kartes̃h maz̃h rem hamisha

Yowi z̃hũ ishq-e farishta, S̃hũpkhetki ce ya z̃hũ yor

 

Tafig̃h-e hawo’s̃h ki c̃hit, Toza shũmoles̃h wizit

G̃hates̃h z̃hũ ishq-e kũpit, S̃hũpkhetki ce ya z̃hũ yor

 

Khũshruy tapini z̃hũ shohin, sadqa wost ya’r Fazal Amin

Khũsh sadoyi z̃hũ shirin, S̃hũpkhetki ce ya z̃hũ yor