Didig̃h Khudhoy-e Qudrat

CẽFazal Amin Beg en

Didig̃h Khudhoy-e qudrat, ki wiz’tes̃h ya zilzila

Ki z̃ales̃h cart safkun K̃hat, woc’nes̃h kũtan bichora

Dẽ bu rakhnig̃h-e mulung, dhetki saker zindagig̃h

Yir et lava-e toqat, car’nes̃h cereng sak nishona

Dhetki ce har yi inson woz jondarer yem jahon

Bakhs̃hi k̃hetk k̃hũ niyamat, didig̃h yem lup khazina

Dhetk tower bũland ya ti j̃ang, sẽk kũli makhluq’v-e sar

Dish ya k̃hũ aql-e barkat, me woc khũnkhor darinda

C̃histes̃h zindagig̃h sẽk yupk, shet et hawo woz rakhnig̃h

Dem spo khidmatev nag̃hd rẽwor, werc̃h’nes̃h dẽ wakht zinda

Trẽ liman yark-e nizom, k̃hetki ajab dem jahon

Ya yirer yem spo zamin, wostes̃h k̃hat ce parwona

Dish z̃aq Khũdoy-e qudrat, Fazal Amin fiker ko dẽ k̃hat

Sabaqi dam har ofat, me woc cem’v en bigona

Composed on October 26, 2015 in Gilgit after experiencing the earthquake on this day.