Gũl-e Kũnjũdh

Cẽ Fazal Amin Beg en

Gũl-e Kũnjũdh skem ti khok, wuz niyozem
Da ti yod k̃hetkemm k̃hat pok, da ti sozem

Chũv’vetket maz̃h ce dem k̃hũ khok-e pus̃hok
Tilf-e rang nũw’m et kandmes̃h, ta ti pozem

Sar et halqet dem watan-e ũstũkhon
Yupk et khũrok woz da hawo hamrozem

Seles̃h maz̃h ska k̃hũ yaz’v et kũk’v-e zharzhev
Har wakht wuz het̃ da ti sarsavz gozem

Tuwet z̃hũ tatnan et z̃hũ jon et khondon
Ti nang et nomũs haten, da ti rozem

Yundem bũland tow dem jahon da osmon
Ti kũshig̃hi dem z̃hũ pũzũv, sẽk two nozem

Gizdep har wakht Fazal Amin ti haq haten
Ti sarzamin-e izat-e ya bozem