Gũtetkem K̃hater K̃hũ Gũl Ce Wafodor

Cẽ Fazal Amin Beg en

Gũtetkem k̃hater k̃hũ gũl ce wafodor
Bis̃hũr et takabũr nasti ya z̃hũ yor

Bimisoli maz̃her yow-e khũshwakhtig̃h
Narmig̃h et ojizig̃hi dam-e kirdor

K̃hati khũshruy yi inson dem ishq-e maydon
Dishtes̃h khub k̃hũ oshiq-e ishq-e izhor

Ki k̃handes̃h bu g̃has̃h qisa, hũses̃h wer’c̃hem
Gha pũrũti cẽ man z̃hũ ishq-e hamkor

Z̃hũ gũl-e rostig̃he k̃hetk maz̃h yem qobil
Ki car’mes̃h yow-e sifat bu g̃has̃h dem ror

Mehr-e ya kũki yow-e khuz̃hg pũzũv
Dam-e khũshruy c̃hez̃hmevi ya jom-e khũmor

Sadqa ta’r ti Fazal Amin , ye khũsh ũlfat
Ki ti s̃hũrig̃he wũzmetk ya’r khũsh bahor