Har Jayes̃h Sũma’m Skem Ruy-e Zamin

Cẽ Fazal Amin Beg en

Har jayes̃h sũma’m, skem ruy-e zamin
Nẽs̃hetket ce tu z̃hũ murgh-e zarin
Coghd’rep ko gotem tow ye z̃hũ hasin
G̃haten woz sak da k̃hũ ishq-e barin

Nasti ma’r qaror, rostki yem ti fikr
Wuzem nag̃hd to ror, ajab dem ti hijr
Ya parwarigor, likerkem yow zikr
Afsũs nẽs̃hetket, z̃hũ ishq-e shohin

Kuy tower k̃hẽnetk, ti yashi khur
G̃has̃hi yaven thetk, binẽmek et s̃hur
Tu’t k̃hat ce yiwretk,baf yarkever zur
Porso-e shirin, khuz̃hg Moh-e Parvin

Tu’t khuz̃hg z̃hũ bũlbũl, z̃hũ khush ilhon
Shirin ya z̃hũ gũl, z̃hũ ishq-e jon
Dẽ tow’ni z̃hũ shũl, ye z̃hũ jonon
Me go ko tag khor, k̃hũ Fazal Amin

Composed on September 15, 2023 in Gilgit)