Devotional

Imom Ali-e Shoner Yi Timiker Nazrona

May 23, 2018

Imom Ali-e Shoner Yi Timiker Nazrona
Cẽ Fazal Amin Beg en

Ali mũshkil kusho, tower niyozem ye z̃hũ Mawlo
Cum’res̃h di trem z̃hũ yod ko, ki pervimes̃h wuz dẽ balo

Gezgem ki carem himat, k̃hanem bu g̃has̃h wuz ti bobat
Car bakhs̃his̃h ne’s̃h kercerem, woc tu k̃hat ma’r yor et rizo

Ti wẽzayn dem jahon woz cem en rec̃hni k̃hat ma’rifat
Da Khũdhoy-e khun ti chũvak woz shahodat, cum’ret bolo

Neyi wũrek̃hk tag mu’jiza,ki ti rang kuy chavd da ka’ba
Donoyisht dem hamisha, vitk sarkota, yoMurtazo

ki wozomd Surushe, Khũdhoy-e payghom sẽk Payghambar
Yow-ẽ dhastyorig̃her niyes̃hti’t ce dẽ johar, ye z̃hũ Oqo

Ki reg̃hde pok Payghammbar ska, arsh k̃he vite Khũdhoy-e maymon
Khũdhoy gnan’n k̃hũ mizbon, disht k̃he hayron vite MUSTAFO

“Ye Haq tu tra g̃hẽna c̃haw, kum g̃hẽna ki aliyes̃h c̃hit”
Muhammad Mustafoe ce kert hada wakht hayem du’o

“Ki wuzem ilm-e ya s̃har, Aliyi k̃hat ya s̃har-e bar”
Ajabi k̃hat pok Payghambar, da osmon ti shoner guwo

Ali z̃hũ madader g̃hat, “Yo Ali adrikni” ce k̃hat
Payghambare qũw z̃er’ng ce kert, Zurig̃h wakht k̃hũ Sher-e Khudho

Khiradmandver dẽ Qũr’on, Parwardiggore yem ce k̃hẽnetk
“Da pokc Imom-e zot-e, destem mũshetk, kũli chiziho”

Da Ghadir-e Khum-e lup mar’ka, Payghambare ce wuch ti panja
Kerti het̃ roz da jal’sa, k̃hati “Aliyi sav-e Mawlo”

“Woc Ali-e dust’v en Tu dust, woz yow-e dushman’v en dushman”
Cey chald Khũdhoy en du’o, Payghammbare yem dam-e dargo

Veg̃hne gar ya risolat, vite oghoz ya imomat
C̃hitep yem to qayomat, kũl insonver dẽ har dũnyo

Tuwet ya awal Imom, dem jahon dẽ Shia Islom
Dẽ har pũs̃ht et zamon, ti Nũri ayon ye z̃hũ pishwo

“Ya pok voyni pidhing tin,” tuet k̃hat “Imom-e mubin”
Neyen wũrek̃hk tag yitim, woz neyep werc̃hen sak tanho

Ki teyi Qur’on da makhluq, tuwet “k̃hat ya zinda Qur’on”
Ilm et hikmat-e yaPodsho, woz jahon’v-e sir’v-e Dono

Nasti har kuyer nasib, dem jaahon ti nungen nishon
Dẽ Haq zinda werec̃hner, Nishon-e Haydar -e tamano

Tages̃h ne wost kuy sufi, to wakhti ki dik̃ht’it dichor
Ki dhetet ya k̃hũ didor, woc’nes̃h hawli dẽ tow fano

Cerengep ne lec’rem yan, ya ti pok ishq dem k̃hũ pũzũv
Chizer ne s̃henjem ti pok, nung k̃he gotem har wakht shafo

Fazal Amini ce nodon, neyes̃h disht ghal ya ti shon
Kum’res̃h cũs g̃hat da osmon, ye jahon-e spo Shahinsho

Born on 23 November, 1968 in his hometown in Gulmit within the Hunza Valley, Gilgit-Baltistan Region, Northern Pakistan.