Imom-e Zamon-e Chũvak-e Mũborak Solgirah

z̃hũ Mawlo-e chũvak-e rori wudhg wezg
Chũvak mũborak k̃hẽnak-e rori wudhg wezg

Ya pok voyni pidhing ska Panjtan-e kut
Tirichig̃her yir g̃hẽtak-e rori wudhg wezg

Ya Panjtan-e sohib zamones̃h ki dish
Yow bakhs̃his̃h ta’r gũtak-e rori wudhg wezg

Pũtũn dũnyo’ri yow-e yark ce bimisol
Yow faslev k̃hater dẽrwak -e rori wudhg wezg

Aql et ilm en ceyit yow kũl dẽ jahon
Ca’n donoyig̃h c̃hũs̃hak-e rori wudhg wezg

Donoyisht woc’nes̃h bilũm ce dam pũrũt
Yav-ẽ sar yower khẽmak-e rori wudhg wezg

K̃hũ parawkor’veres̃h k̃hand yow ki zẽman
Zẽman’ver shũkr bajo k̃hak rori wudhg wezg

Dẽ kum so’at nasti tes̃h, har wakht dẽ yark
Haryũwer andisha k̃hak-e rori wudhg wezg

Yowi adl-e Shahinsho, Nũr-e Tojdor,
Yow amr rẽ pũzũv kẽt̃ak -e rori wudh wezg

Ki g̃hates̃h yow rahmat-e witish-e mur
Das̃htev be sarsavz k̃hak-e rori wudgh wezg

Fazal Amin! khamũv k̃hũ ruk shũk’ren skem shet
Shoh Karim-e karam k̃hak-e rori wudhg wezg