Kashkashes̃h Thaw’m et Teyem

Cẽ Fazal Amin Beg en

Kashkashes̃h thawem et teyem ra ishq-e lut̃
Ce wakht en ki vitum skam-e khuz̃hg sado put̃

Nast chiz chora wost trẽ liman yem spo jon
Birgushi wezg trẽ mulung k̃hetk sak wiyron

Wezg qiyomat saker dem ishq-e dũnyo
Yo Khũdhoy me kat̃ sak bes̃h bes̃h da balo

Yem spo khuz̃hgig̃h-e jahon wost bimisol
Me wizit tag saker dem hechchiz zawol

Yig̃hunes̃h ki car noz et ya maskhara
Dem z̃hũ khuz̃hig̃h-e jahon ca’n be maza

Khũshury ti kẽndaker werc̃h’mes̃hintizor
Ki kandes̃h z̃hũ ish’res̃h wizit qaror

Liman e wing-e haten woc’nes̃h pilpich
Cereng go’n skẽ ridikev shach et pirich

Vitken k̃hũ ishqer ghũlom dem k̃hũ jahon
Dem k̃hũ boligh oshiqig̃h saken jawon

Fazal Amin! Ti gũlikhũshury ishq-e toj
Nikbakhtet ki cartes̃h yow dem ti iloj