Khuz̃hg Z̃hũ Ishq-e Hamnawo, woz Z̃hũ Hamro et Hamgawo

Cẽ Fazal Amin Beg en

Khuz̃hg z̃hũ ishq-e hamnawo, woz z̃hũ hamro et hamgawo
Z̃hũ tabib-e ya dawo, randes̃h ce okhir ma’r shafo

Khũshkhuyig̃hi dam-e qisa, dam-e khuz̃hgig̃hi ce maza
Yowi k̃hat z̃hũ khũsh sado, khũshruyi ce ya z̃hũ Porso

Noyofti z̃hũ gũl-e ya s̃hast, wiz’tes̃h ki yow dhast dem z̃hũ dhast
Parwona rangem bibaho, ska’m rakhnig̃h car’mes̃h k̃hat fido

Khũshbuy-e barg-e gũl en wuz, rũmũs̃h’mes̃h ya k̃hũ dard et quz
Mastem ce da’m vul wuz gado, ya chilmind̃ak rang tẽr hawo

Pes̃htes̃h ska z̃hũ gũl yem z̃hũ jon, Hamapac yir rang da tobon
Da’m ishq-e tove g̃hir’mes̃h daryo, car’mes̃h obod skem k̃hũ dũnyo

Ki k̃handes̃h kuy yowi inson, paymon-e ishq disht dem jahon
Tag biwafo me cart dawo, imoni z̃hũn ishq en wafo

Ye fazal Amin! c̃haw tu pũrũt, k̃hũ gũl mes̃h ti ishqi sabũt
Ti jon-e dardi k̃hat gawo, ti khuz̃hg kalomisht da’m sado

Composed on September 25, 2023 in Gilgit