Ki G̃hates̃h Khũshig̃h

Ce Fazal Amin Beg en

Yig̃hun dẽ k̃hatem wuz ce hayron, ki g̃hates̃h khũshig̃h
Nastem tumer dam hes̃h et gũmmon, ki g̃hates̃h khũshig̃h

Ki wostes̃h yem zamin maz̃her sakht, osmon ghafch bũland
Gok̃htes̃h pẽs dũma gham et giryon, ki g̃hates̃h khũshig̃h

Fikr et andisha car ko dẽ k̃hat, dish ya sir yi loy
Wostes̃ hayronn khalg da k̃hũ jahon, ki g̃hates̃h khũshig̃h

K̃hũ quz’ves̃h kap’ et pacemes̃h, g̃hir’nes̃h yasht pulod
Cartes̃h ce (h)ob ya yishn-e zindon, ki g̃hates̃h khũshig̃h

Ki woc’mes̃h biarmon dẽ ozmoyish’v-e dem jahon
Bikhlew ce pes̃htes̃h ya z̃hũ armon, ki g̃hates̃h khũshig̃h

Dishni z̃hũ tũsha dẽ yinot et janqan trem-e safar
C̃hites̃h z̃hũ hamro da z̃hũ korwon, ki g̃hates̃h khũshig̃h

Yem zel shũpũthk skem zak̃h’v-e vdek, mũtki Fazal Amin
Okhir ce g̃hates̃h da pariston, ki g̃hates̃h khũshig̃h