Kum Wakht en Ki Dam-e Ishqem Giriftor

Cẽ Fazal Amin Beg en

Kum wakht en ki dam-e ishqem giriftor
Yinũki z̃hũn nẽs̃hetk, nasti yem nag̃hgd ror

Dam-e ishqes̃h wuz har wakht tuz̃hm et teyem
Yowi be z̃hũ haten ce z̃ereng biqaror

Dũnyo-e shũm rasme likerk sak e ce dhir
Liman-e wing-e haten nũwnes̃h har ror

Ishq-e da rakhnig̃hes̃h sak thawn et teyen
Yem-e khũshig̃h-e haten k̃hetk en k̃hat zor

Ya khũshruy hawo’s̃h ki wũzũmd ma’r yow-e vul
Woc’mes̃h toza dem k̃hũ tan woz yi gũdor

Dem torikig̃h-e jahon nasti ma’r amon
Woc’mes̃h ce dam-e ishq-e voyn chorador

Fazal Amin, ya ti jononep g̃hat dẽ tow jald
Nũstep ti ranjev da k̃hũ ishq-e gũlzor