Kumer Yem Da Z̃hũ Gũmon Tu

Cẽ Fazal Amin Beg en

Dem spo bu ror-e jahon, kuy ki tey da k̃hũ jonon
Khushbakhti yow -e zindagig̃h, ki yowi da oshiqon

Z̃hũ ishq-e spreg̃h banafsha, wezde dem z̃hũ ũmr-e miyona
Gok̃ht z̃hũ pũzũv diwona, da k̃hũ khuz̃hgig̃h-e jahon

Pũzũves̃h ne wost khiyar, disũvdes̃h har wakht ya k̃hũ jowhar
Weres̃htes̃h ce yem karfar,dẽ har dawri yem jawon

Z̃hũ zindagig̃h-e khuz̃hg yor,dik̃hte ce maz̃her dichor
Dheti ma’r ya k̃hũ didor , ne tu yem tag da z̃hũ gũmon

Khẽmetk z̃hũ ishq-e sitor, dẽ k̃hati dez̃hg maz̃h nochor
Cartes̃h khẽlos ya zhũ bor,cumer shrini ya z̃hũ mehmon

Dem z̃hũ negũtak-e dũnyo, wezgi z̃hũ ishq-e rano
Shũrkr-e zhũ zikri kũto, wuz notawonem yow mizbon

Wost mũborak Fazal Amin, wezgi ya ti nozanin
Woc dem k̃hũ ishq niv tu tapin,ghafch bũland da osmon