Me Maz̃he Go Tumer Bũlbũl Dem Jahon

Cẽ Fazal Amin Beg en

Me maz̃h e go tumer bũlbũl dem jahon
dũrzen wudhg k̃hũ ishq-e meywa,ye jonon

Z̃hũ gũles̃h k̃hand chizes̃h ta’r k̃hak bas wezim
Po ishq-e dhastpũdhev vẽndetek, ye z̃hũ jon

Majbũri ce z̃hũ sanam, yow-e diloso
Randes̃h khuz̃hgig̃h dẽ ojizig̃h ma’r nihon

Nũstes̃h z̃hũ s̃hũw nag̃hdev yow pẽ k̃hũ ishq-e voyn
Got’mes̃h yan k̃hũ dard et ranger ya darmon

Dem k̃hũ khuz̃hgig̃h-e dũnyo woc’nes̃h ozodd
Car’nes̃h helk k̃hũ pũzũv dem ishq-e oston

Z̃hũ gũl-e khũshkhuyig̃h’ni nast chiz hisob
Dam-e har lafzi ma’r pũrmaghzig̃h pinhon

Rũs̃han yupk-e rangi ti gũl-e khuz̃hgigh
Fazal Amin, woc dam-e ishq skam tu qũrbon