Poems of Fazal Amin Beg During His Youth in 1990: Khuz̃hgig̃h-e Qũw

Cẽ Fazal Amin Beg en

Thũw a z̃hũ jon, tu maz̃h e cumer be thũw
Cem z̃hũ pũzũv’ni tower khuz̃hgig̃h-e qũw

Me maz̃h e car ghafch khafa, dũrz tu yem ishq-e tufa
Wuzem tey tower jafo, k̃hat maz̃her rand tu shafo

Tuwet tey ey ya gũlob, wuzem tey ey dar shabob
Nasti cem en niyes̃hk sharob, chiz’res̃h car tu maz̃h kabob

Z̃hũn et tin’ni tey pũzũv, tu k̃hat e me witrũv
Tem z̃hũ yas̃hk en k̃hat pũrũw, chiz’res̃h tu maz̃h e nũwũv

Tuwes̃h woc da k̃hũ darbor, wez’mis̃h wuz da ti didor
K̃hak’res̃h giz maz̃h dhastbardor, hay wuzem cereng gũnogor

Fazal Amini ti kharidor, tuwet chizer ca’men inkor
Wez k̃he car tu yem iqror, ki tuwet yow-e jon-e yor