Rek̃hkem Yezwudhg Wuz Da K̃hũ Ishq-e Chila

Cẽ Fazal Amin Beg en

Rek̃hkem yezwudhg wuz da k̃hũ ishq-e chila
Car’mes̃h k̃hũ gmanz̃il sũma dem k̃hũ girya

Wez’nes̃h rac̃hisht dem s̃hũw nag̃hd dem z̃hũ wirig̃h
G̃hata z̃hũ ishq-e porso wudhg dem nola

Baf et shak rac̃h’ve kẽt̃etk maz̃h rẽ mulung
Giz’nes̃h ki kat̃en skẽ maz̃h ya k̃hũ soya

Dẽ k̃hũ giryon wuzem cẽ tow’n parishon
Da s̃hũw nag̃hd ya shũm s̃hapt me cart tow zoya

Chiririsht skem spo pudh skem ishq-e vẽdek
me wũdũrt yow sak kumer dem spo niga

dem spo ishq-e wirdingig̃h wezgi s̃huw mur
nas̃htep ghafch jald yow ye z̃hũ khuz̃hg banafsha

FazalAmin! Car tu ko bu ror-e intizor
Randep ti gũl tower jald yi lup mũz̃hda