Skẽ Najaf-e Ashraf Yurish (August 23, 2004)

Cẽ Fazal Amin Beg en

Cẽ mu’jiz’v en c̃haki ce ya ti zot
Sohib-e ilm et hikmat dem koyinot

Pũtũn muridisht g̃hẽrtetk ce dem ti bar
Dhastisht bland dẽ faryod ki rahmes̃h car

Skem ti roza kofir’v-e wudhg ce hamla
Rand yav tu shikast, car yave tẽka tẽka

Disũv’p a mu’jiza woz dem Karbalo
Mastev pẽ jẽhoz-e tap’v en, ce’v tẽr hawo

Tem tap’v en rũnd̃ũynes̃h wudhg ce har palew
Ya lew druks̃h rang kat̃’nes̃h har gẽna k̃hũ s̃hew

K̃hatep ko rand a drem wudhg ghayb-e kũmak
Najaf-e Ashraf weres̃ht kũk̃hter mũborak

Tuwet k̃hat haq, haq et nohaq’v-e dono
Yewer haqdor’v-e wudh drem z̃hũ khuz̃h Mawlo

De inson’v-e mulung ki kuyisht shayton
Di tam’v-e k̃hat ya rakhnig̃h ce’s̃h thũwen jon

Cartes̃h faryod wudhg Fazal Amin dem jahon
“ Nasib amn et os̃htig̃h bayn-e inson”

Composed on August 23, 2004 when the U.S. forces arrogantly and madly attacked on the mausoleum of our beloved Imam Ali at Najaf-e Ashraf in Iraq.