Wezdit Ce Gũl rem Z̃hũ Ishq-e Kis̃htazor

Cẽ Fazal Amin Beg en

Wezget ce gũl rem z̃hũ ishq-e kis̃htazor
C̃haw rem khũshruy savzazor woz yi gũdor

Chi’r ne k̃hanen limaner k̃hũ dard-e hol
S̃hũm jobirishtep wocen k̃hatken pẽr ghor

Meh hal majbũr niv ye z̃hũ bihisht-e hũr
Wez wocen skem k̃hũ ishq-e yash woz siwor

Shũker ki kartet sẽk maz̃h woz k̃hũ nazar
Randes̃h ce bu rẽwor en ya k̃hũ didor

Ki s̃hok̃htes̃ ti khũsh sado dem tang dũnyo
Z̃hũ biqaror pũzũv’res̃h wost yan qaror

Wozomdet rukhnig̃h dem z̃hũ t̃ũmt̃ang jahon
Tag̃hndin’ janqan ce da k̃hũ ishq-e bahor

Da k̃hũ bakht’v en niyoz ta’r ti Fazal Amin
Wer’c̃h bũland woz be tu ye Qaws-e sitor