Z̃hũ Gũl-e Gũlmit

Cẽ Fazal Amin Beg en

Ajab sarsavz et khũshruy, yarz et yimmũki z̃hũ Gũlmit
Demm jahon skem khok-e ruy, zharzh-e kũki z̃hũ Gũlmit

Sẽk bomm-e jahoni yem, dam pũzũv et joni yem
Har kuyer amoni yem, amn-e yinũki z̃hũ Gũlmit

Lup ni’mat’ni misol, yupkeni ce molamol
Zaminishtev ce khũshhol, faslev-e mũki z̃hũ Gũlmit

Dem boghi har yi darakht, har wakhti ce da k̃hũ rakht
Sẽk ilmm et hũnar-e takht, hamishi lũki z̃hũ Gũlmit

Dẽ har maydoni ska tũr, kumer marjon kummer dũr
Bahodũrig̃heri bũspũr, biwũs̃hũki ce z̃hũ Gũlmit

Har nasl-e tag̃hm et kẽchet, vitkev lup ce dem-e shet
Khũshruyev da k̃hũ fẽrmet,lup tẽborũki z̃hũ Gulmit

Fazal Amin’ni yem armon, wost tapin yem dem jahon
Sheri yow dẽ har maydon, nasti tag rũk z̃hũ Gũlmit