Khũdhoy-e Stowis̃hig̃h

CẽFazal Amin Beg en

Shũker Tower yo Khudhoy, makhluq’vet drem peydo ce k̃hetk
Yupk et hawo, shet et rakhnig̃h,khũshruyet yav sũvdo ce k̃hetk

Osmon hũmũyd yoy yem zimin, z̃hũmak, sitorisht yoy ya yir
Har yũw ce ddrem nis̃hunev Tin, disũv’nes̃h yasht kũtan Ti sir

Pũdhin hũmũyn yoy ya tapin, rẽ yupk hũmũyn yoy skem zimin
Khames̃h yawen sarisht yaven ki Towe k̃hetk yav e jonin

Hadem kũli makhluq mulung farkhet sak kert dhetet khirad
Ya ne gũtak sumghuten got, ki dũnyo’v en wocen balad

khirad yarker wũzũm’ner k̃he, pũrũt yundak bafig̃h’vi trem
Bafig̃h shakig̃h yũwerner k̃he, cẽbas kẽt̃ak shakig̃h’vi trem

Hadem dũnyo ti Fazal Amin, c̃hites̃h mũsofir yo Khũdhoy
Khiradmandig̃h yower nasib, s̃hẽkhal skam wez yowi gũdoy