Aql, Zik Woz Farhang

Cẽ Fazal Amin Beg en
Wostes̃h paydo yi inson, dẽ yi zik et aql-e shon
Rimites̃h k̃hũ zindagig̃h, yow dẽ farhang-e jahon

Khalg-e ziki nay-e misol, dam-e dest pũfi yow-e khiyol
Woc’nes̃h ki yasht trẽ liman, raqses̃h cart zik da shũmol

Ki tayin Zik et farhang, haryũwi ce dem’v en yor
Weres̃htes̃h zik en trẽ vich, farhang dẽ marg et nochor

Didig̃h khirad et farhang, har wakhtev ce kifch pidhog̃h
Suz et sozes̃h ki wũz’men, hamisha skẽ zik-e wog̃h

Teyii yi ghilbel-e rang, har yi farhang dem jahon
Dik̃htes̃h ghilbel yem Hamish, haryi bihang et nodon

Khiyol-e baf tag̃hmishtes̃h, g̃haten da aql-e kis̃hta
Ghũrtes̃h ki zik ya bara, wostes̃h farhang-e hisa

Rẽdik halit carit tirin, sasht ska k̃hũ khuz̃hg zik-e bogh
Mebodo ye Fazal Amin! Jobirisht din yem e togh