Bu Band Skẽ Biyomorz Lambardor Shohgul Aziz et Biyomorz Ũstodh Ghũlom Big

cẽ Fazal Amin Beg en

dem zindagig̃h-e korwon, tag̃hdines̃h bu ror amon
gezde woz ce ya tũfon, gok̃hti har kuy sargardon
Zẽboti lup yi darakht, ki yow ce pũr meywa tu
gotes̃h yow kumer nodon, nasty yow niv dem jahon

Yow khũsh sũrat et ulfat, ce tu marka-e zinat
Pẽc̃hetk tu yow dẽ qẽsa, hayronjin yow-e fassohat
Nungi guyboz dem watan, asp sawori yow-e shan
Digretk tu yow dẽ har jay, Dẽ yũrtdorig̃h et siyosat,

wezde shũm s̃hot yi dẽ nag̃hd, g̃hate bikhlew dem diyor
Neyen vite drem khabar, lekert yow k̃hat ska spo tor
Dik̃hti pẽr dest spo pahwlwon, ũstodhig̃h en c̃hak yow-e shon
Vitken wayron et giryon, tayin drem spo khuz̃hg Dodor

Rek̃hki yi ilm-e boghbon, nasti wudhg ya soz rawon
Kum’res̃h bet got ya mehrbon, khũshruy wakhs̃hev-e ya jon
Farhang et yũrt-e yarkever tu ce yow pũrut bigharaz
Fazal Amin yemi bigũmon, ki nosten soz-e ya kon