Cẽ Fazal Amin Beg en
Da t̃ũmt̃ang nag̃hd ska z̃hũ gũl kerti yurish
Ya shũm birgush’ri chiz parwo yow-e arzish
Parwardigor! Car z̃hũ ishq-e gũl hifozat
Ki da zurig̃hi yezwudh ya z̃hũ bighalat
Dam pũzũv-e wunder ishq-e tag̃hm k̃hetkem kis̃hta
Cumer khũshruyi niv gezg dam ya savza
Fakhri ma’r ki wuzem yow-e ishq-e diqun
Dem k̃hũ khuz̃hgig̃h-e bogh wuzem yow boghbun
Ye z̃hũ gũl, wũzũm dẽ k̃hat tu ya himat
Nũstep ishq-e spo du’o birgush e dam k̃hat
Me car fikr tu ye z̃hũ jon res̃htep yem nag̃hd
Da rukhnig̃h nas̃hnep kũl bilas et ya vag̃hd
Ti haten ti Fazal Amin cartes̃h du’o
Khũdhowand Nũst jald ti har dard et bũlo
No Comments